Hjá Lexus höfum við nýsköpun og takmarkalaust ímyndunarafl stöðugt að leiðarljósi. Kynntu þér hugmyndirnar sem knýja framtíðartæknina okkar, allt frá auðgandi hljómlausnum til byltingarkenndra nýjunga sem reyna á áræði nýrra hugmynda.
Við eigum í samstarfi við hljómtækjaframleiðandann Mark Levinson® um að þróa sérsniðnar hlustunarlausnir sem færa afþreyingu í bílum á nýtt stig. Sérfræðingar taka þátt í hverju skrefi og sjá til þess að innréttingar séu nákvæmlega hannaðar til að tryggja sem bestan hljómburð.
Með því að endurhugsa fræðin á bak við sætin hönnuðum við hið byltingarkennda hreyfiorkusæti frá Lexus. Nýstárleg vefbygging sem eykur þægindi, öryggi og stuðning með trefjum sem styðja við hreyfingar þínar.
Við hugsuðum út fyrir kassann og fengum að láni nýjustu sneiðmyndatækni í læknavísindunum til að grandskoða vélarnar okkar. Af hverju? Til að ganga úr skugga um að innra byrði allra véla sé fullkomið. Með sneiðmyndatækni getum við skoðað vélarnar í þrívídd og tryggt gæðin.
TILRAUNASTARFSEMI Á ÆÐRA STIGI
Við færum prófanir á næsta stig með því að nota sýndarveruleika til að skapa upplifun sem líkir eftir akstursskilyrðum og viðbrögðum ökumanns. Við útbúum prófanir sem eru ómögulegar í raunheimum til að fá ábendingar um endurbætur og þróun á margvíslegum öryggiseiginleikum og -tækni.
Í snjallklefa er Lexus LS umkringdur umlykjandi skjáum sem sýna raunsæjar myndir af akstri innan og utan borgar. Hólkar hreyfast til að herma eftir beygjum, brekkum, hröðun og hraðaminnkun og hljóðupptökur líkja eftir vélarhávaða, titringi og vindi.
