FRAMTÍÐARJEPPINN LF-ZL

Lexus skapar persónulegri samgönguupplifun og nýtir alla möguleika gagnvirka stýrikerfisins Arene OS. Með því að safna gögnum frá kortum og myndavélum bílsins öðlast kerfið þekkingu á þörfum ökumannsins og lærir að sjá þarfir hans fyrir. Með gervigreindarspjalli og raddstýringu í bílnum tengir kerfið saman upplýsingar sem safnað er með stafrænum upplýsingum úr umhverfinu, til dæmis til að stýra hleðsluferlinu og orkugjöfum.  

Í ökumannsrými LF-ZL hafa aðgerðir sem áður voru dreifðar hingað og þangað nú verið sameinaðar á stafrænum skjám innan seilingar. Vinstra megin má finna aðgerðir eins og skiptingar, öryggiskerfi, háþróuð akstursaðstoðarkerfi og val á milli akstursstillinga. Hægra megin eru svo hljóðstillingar, hitastillir, sími og gervigreindareiginleikar. Ökumaðurinn getur einbeitt sér enn betur með því að hafa augun „stöðugt á veginum“ þar sem upplýsingum er varpað á framrúðuna og stafrænir hliðarspeglar minnka þörfina á að gjóa augunum.

Með næstu kynslóð raddstýringarkerfis sem notast við gervigreind geta viðskiptavinir upplifað ítarlega og skjóta þjónustu sem minnir á raunveruleg samskipti. Hægt er að nota nákvæmar, sérsniðnar stillingar fyrir hvern viðskiptavin í hverri ökuferð, þar á meðal ráðleggingar um akstursleiðir, þökk sé sjálfsnámi kerfisins, sem safnar akstursgögnum og greinir ekki bara persónuleg einkenni heldur líka ósjálfráðar athafnir og skapar þannig enn hlýlegri upplifun.