ÖRYGGI
Við setjum öryggi þitt í forgang. Lexus Safety System + markar upphaf nýrrar aldar í forvörnum gegn slysum og er ætlað að forða þér, farþegum þínum og farþegum annarra ökutækja, sem og gangandi vegfarendum, frá hættu. Lexus Safety System + eykur akstursfærni þína, skerpir öll skilningarvitin og eflir sjálfstraustið á vegum úti.
01
LEXUS SAFETY SYSTEM +
Lexus Safety System + er nýjasti áfanginn á leið okkar að öruggum akstri. Kerfið er afrakstur áratuga þróunar og hönnunar og að baki því liggja víðtækar rannsóknir á helstu orsökum slysa. Lexus Safety System + byggir á þremur lykilþáttum í forvörnum gegn slysum, árekstri að framanverðu, akstri út af akrein af vangá og slysum að kvöldi til, og notast er við fimm hugvitssamleg kerfi.
02
ÖRYGGISEIGINLEIKAR MEÐ AKSTURSAÐSTOÐ
Fær ökumaður þarf ævinlega að vera fullkomlega meðvitaður um umhverfi sitt, hvort sem verið er að leggja í halla eða undirbúa akreinaskipti. Lexus hefur þessa meginreglu að leiðarljósi og leitast við að skerpa skilningarvitin með hugvitssamlegum eiginleikum sem hámarka lipurð þína í akstri.
03
LEXUS SAFETY SYSTEM +A
Aldrei hefur verið stigið stærra skref í átt að nýjum heimi þar sem umferðarslys heyra sögunni til. Lexus Safety System +A er aðeins í boði fyrir Lexus LS og býður óviðjafnanlega akstursaðstoð. Hér er byggt á grunnstoðunum fimm í Lexus Safety System + og þetta háþróaðasta öryggiskerfi heims nýtir sér nýja og byltingarkennda tækni til að auka enn ánægjuna við aksturinn og draga úr hættunum sem fylgja.
LDA-AKREINASKYNJARI MEÐ AKREINARAKNINGU (LTA)
Á langferðalögum og nýjum akstursleiðum þurfa ökumenn að halda fullkominni einbeitingu og þar kemur LDA-akreinaskynjarinn þeim til hjálpar. Á meðal þeirra nýjunga sem boðið er upp á til að skerpa einbeitingu ökumannsins og veita honum stöðugan stuðning við að halda sér á réttri akrein þegar ratsjárhraðastillirinn er virkur má nefna stýrisaðstoð, sveigjuviðvörun og endurbætta akreinastýringartækni.
SJÁLFVIRKT HÁLJÓSAKERFI (AHB)
Sjálfvirka háljósakerfið er með sjálfvirkum skynjurum sem slökkva á háu ljósunum þegar annað ökutæki nálgast. Þetta gerir þér kleift að slaka á við akstur í myrkri án þess að blinda aðra ökumenn.
Árekstrarviðvörunarkerfi (PCS)
PCS-árekstrarviðvörunarkerfið greinir önnur ökutæki og gangandi vegfarendur framundan og varar ökumann við ef mikil hætta þykir á árekstri svo hann geti forðast hættuna. Ef ökumaðurinn nær ekki að bregðast tímanlega við beitir kerfið hemlum og stýriseftirliti til að draga úr áhrifum höggsins.
Ratsjárhraðastillir (DRCC)
Ratsjárhraðastillirinn gerir þér kleift að aka af stillingu á jöfnum hraða en halda um leið öruggri fjarlægð frá bílnum fyrir framan. Ef bíllinn þinn virðist ætla hættulega nærri þeim næsta hægir kerfið á þér til að forðast árekstur.
Umferðarskiltaaðstoð (RSA)
Umferðaskiltaaðstoðin les á öll umferðarskilti og sendir skilaboðin beint á upplýsingaskjáinn í bílnum. Þannig er tryggt að þú hefur aðgang að mikilvægum vegaupplýsingum á ferð.
LDA-akreinaskynjari með akreinarakningu
Til að tryggja enn þýðari akstur á hraðbrautum, en líka í þyngri umferð og umferðarteppu, skaltu kveikja á ratsjárhraðastillinum og þá sér LDA-akreinaskynjarinn um að halda þér á miðri akreininni og að bíllinn rási sem allra minnst, jafnvel í beygjum.
Blindsvæðisskynjari
Nú þarf ekki lengur að takmarka útsýnið við sjónsvið ökumannsins. Blindsvæðisskynjarinn lætur ökumenn vita af öllum hindrunum sem eru hugsanlega ekki sýnilegar í baksýnisspeglum svo þeir hafi fulla yfirsýn yfir rýmið umhverfis bílinn og geti stýrt honum af fyllsta öryggi.
HÁÞRÓUÐ BÍLASTÆÐAAÐSTOÐ
Skelltu þér í hvaða stæði sem er, af öryggi og festu. Bílastæðaaðstoðin okkar ver bílinn þinn með því að skerpa skynjun þína á nánasta umhverfi, vara þig við hindrunum í rauntíma og auka hemlunarviðbragðið ef þess gerist þörf.
Stillanlegt háljósakerfi (AHS)
Sjálfvirka háljósakerfið er með sjálfvirkum skynjurum sem slökkva á háu ljósunum þegar annað ökutæki nálgast. Þetta gerir þér kleift að slaka á við akstur í myrkri án þess að blinda aðra ökumenn.
Lexus CoDrive
Lexus CoDrive er kerfi sem styður við persónulegt aksturslag þitt. Kerfið er með ratsjárhraðastilli, umferðarskiltaaðstoð og umferðarskynjara að framan, en í LEXUS LS er líka aðstoð við akreinarakningu sem sér um að halda þér á réttri akrein á hvaða vegi sem er.
Umferðarskynjari að framan
Nálgastu öll gatnamót af öryggi. Þegar komið er að krossgötum metur umferðarskynjari á framhlið umferðarflæðið og gerir þér viðvart um þau ökutæki sem kunna að vera á leið í veg fyrir bílinn.
